Ինդոնեզիան աշխարհի ամենամեծ կղզային երկիրն է՝ կազմված ավելի քան 17,000 կղզուց: Այս հրաշալի երկիրը հայտնի է իր տաք արևոտ կլիմայով, հրաբուխներով, կանաչապատ ջունգլիներով, զարմանալի լողափերով և մշակութային բազմազանությամբ: Դա այն վայրն է, որտեղ կարող ես միաժամանակ զգալ արկածային ոգեշնչում և լիարժեք հանգիստ:

Բալի — Ինդոնեզիայի մարգարիտը

Բալին, անկասկած, Ինդոնեզիայի ամենահայտնի ուղղությունն է, և այն առաջարկում է՝

• սպիտակ ավազով և արմավենիներով ծածկված լողափեր՝ Կուտա, Սանուր, Նուսա Դուա,

• փարթամ կանաչ լեռներ ու բրնձի տեռասներ Ուբուդում՝ իդեալական յոգայի, մեդիտացիայի և բնության հետ միավորման համար,

• հինավուրց տաճարներ՝ Տանահ Լոտ, Ուլուաթու՝ արևամուտի ամենահիասքանչ տեսարաններով:

Արկածներ և բնություն

Ինդոնեզիան երազանք է բնության սիրահարների համար.

• Բացահայտիր Կոմոդոյի կղզին՝ որտեղ բնակվում են աշխարհահռչակ կոոդոյի վիշապները,

• Լողա մաքուր ջրերում և ուսումնասիրիր գունագեղ մարջանային աշխարհը Գիլի կղզիներում կամ Ռաջա Ամպատում,

• Բարձրացիր Բրոմո կամ Ռինջանի հրաբուխները՝ տեսնելու արևածագ՝ վերևից:

Մշակույթ և խոհանոց

Ինդոնեզիայի մշակույթը հնագույն է և բազմաշերտ: Այստեղ կարելի է տեսնել հին տաճարներ, ավանդական պարեր, ձեռագործ աշխատանքներ ու մասնակցել փառատոնների: Խոհանոցը գունավոր և հագեցած համերով է՝ փորձիր անպայման՝

• Nasi Goreng (տապակած բրինձ),

• Satay (միս շամփուրներով՝ տուսով),

• Rendang (թնդեղ միս՝ կոկոսի և համեմունքների մեջ խաշած),

• և իհարկե՝ թարմ արևադարձային մրգեր:

Ինչո՞ւ ընտրել Ինդոնեզիան

Ինդոնեզիան հիանալի ուղղություն է ինչպես հարսանեկան ճանապարհորդությունների, այնպես էլ հոգևոր հանգստի և էկզոտիկ արկածների համար: Այն համատեղում է մատչելիությումը, հյուրընկալ մթնոլորտը և բնության անսահման գեղեցկությունը: